उपचारात्मक गुण र प्रयोग:

हेसनाइटको उपचारात्मक र आध्यात्मिक गुणहरूमा विश्वास गरिन्छ कि यसले केही फाइदाहरू ल्याउन सक्छ:

• भावनात्मक उपचार: यसले भावनाहरूलाई सन्तुलित गर्न र आन्तरिक शान्ति ल्याउन मद्दत पुर्याउँछ। हेसनाइटले चिन्ता कम गर्न र भावनात्मक स्थिरता ल्याउन मद्दत पुर्याउने विश्वास गरिन्छ।
• आत्मविश्वास: यसले आत्मविश्वास बढाउन र आत्म-संकोच वा असुरक्षाका भावनाहरूलाई पार गर्न मद्दत पुर्याउँछ।
• सृजनात्मकता: हेसनाइटले सृजनात्मकता र बौद्धिक स्पष्टता बढाउन मद्दत पुर्याउने विश्वास गरिन्छ, जसले कलाकारहरू वा सृजनात्मक परियोजनाहरूमा काम गर्ने व्यक्तिहरूलाई फाइदा पुर्याउन सक्छ।
• भूमिगत र सुरक्षा: यसलाई एक प्रकारको ऊर्जा सन्तुलन र नकरात्मक प्रभावबाट सुरक्षा दिनका लागि प्रयोग गर्न सकिन्छ।
• शारीरिक उपचार: केही विश्वास अनुसार, हेसनाइटले पाचन समस्याहरू, विषाक्तता र रगत परिसंचरणलाई सुधार गर्न मद्दत पुर्याउँछ।

गोमेद कसले धारण गर्ने

गोमेदलाई निम्न स्थितिमा धारण गर्न सकिन्छ:

• जुन व्यक्तिको राशि या लग्न मिथुन, तुला, कुम्भ अथवा बुध छ भने उसले गोमेद धारण गर्नुपर्दछ ।
• यदि राहु केन्द्र स्थान १, २, ३, ४, ७, ९, १० या ११ भावमा स्थित छ भने गोमेदलाई धारण गर्नुपर्दछ ।
• यदि राहु आफ्नो राशिबाट छैठौँ, आठौँ भावमा स्थित छ भने गोमेद धारण गर्नु श्रेयस्कर हुन्छ ।
• यदि राहु शुभ भावको अधिपति भएर आफ्नो भावदेखि छैठौं या आठौँ स्थानमा छ भने गोमेद लगाउनु पर्दछ । यसबाट राम्रो फल प्राप्त हुन्छ ।
• यदि राहु नीच राशि अर्थात् धनु राशिमा छ भने गोमेद धारण गर्नुपर्दछ ।
• राहु मकर राशिको स्वामी हो । अतः मकर राशिका जातकको लागि गोमेद शुभ हुन्छ ।
• यदि राहु श्रेष्ठ भावको स्वामी भएर सूर्यबाट दृष्ट या सूर्यको साथ छ अथवा सिंह राशिमा स्थित छ भने गोमेद धारण गर्नुपर्दछ ।
• राहु राजनीतिको प्रमुख मारकेश हो । अतः जो मानिस राजनीतिमा सक्रिय रूपले लागेको हुन्छ या राजनीति गर्न चाहन्छ भने उसको लागि यो रत्न अति उपयोगी हुन्छ ।
• शुक्र र बुधको साथ राहु स्थित छ भने गोमेद लगाउनु पर्दछ ।
• वकालत, न्याय, राजसेवा आदि क्षेत्रमा उन्नतिको लागि गोमेद धारण गर्नाले अपार सफलता पाइन्छ ।

तान्त्रिक मन्त्र:

ॐ रां राहवे नमः

गोमेदको प्रयोग

आइतबार÷शनिबारको दिन चाँदी या पञ्चधातुको औँठीमा गोमेद बनाएर सोहिबारको दिन साँझमा विधिअनुसार त्यसको उपासना आदि गरेर बीचको औलामा धारण गर्नुपर्दछ । गोमेदको वजन ६ रत्तीभन्दा कम हुनुहुँदैन । यसलाई धारण गर्नुभन्दा पहिले वैदिक मन्त्रद्वारा प्राण प्रतिष्ठा गरेर धारण गर्नुपर्दछ ।

गोमेदबाट रोगोपचार

आयुर्वेदअनुसार गोमेद कफ, पित्त नाशक क्षय रोग र पाण्डु रोगमा पनि प्रयोग गरिन्छ । यसबाट दीपन, पाचन, रूधिर, छालाको रोगमा धेरै लाभदायक हुन्छ । यसबाट हुने अन्य रोगको उपचार निम्नलिखित छ:

• गोमेदको भस्म सेवन गर्नाले बल, बुद्धि एवम् वीर्यको बृद्धि हुन्छ ।
• छारे रोग, वायु प्रकोप एवम् बवासीर आदि रोगमा यसको भस्मलाई दूधमा मिलाएर लिँदा शिघ्र लाभ हुन्छ ।
• गोमेद लगाउनाले गर्मी, ज्वरो, जण्डिस आदि रोगबाट छुट्कारा पाइन्छ ।