लहसुनियाको गुण

• यो बिरालाको आँखा जस्तो हुन्छ ।
• आफ्नो आकारमा धेरै भारी हुन्छ ।
• यो चमकदार हुन्छ ।
• यो चिल्लो हुन्छ ।
• यसमा यज्ञोपवीतको जस्तै डोरा हुन्छ ।

लहसुनिया कसले धारण गर्ने ?

लहसुनिया खास गरेर उनीहरूले धारण गर्नुपर्दछ । जसको जन्मकुण्डलीमा केतु दूषित, दुर्बल या अस्त छ । खास गरेर यसलाई धारण गर्नाले निम्न स्थिति हुन्छ :

• यदि जन्मकुण्डलीमा केतु द्वितीय, तृतीय, चतुर्थ, पञ्चम, नवम अथवा दशम भावमा छ भने लहसुनिया धारण गर्नु लाभदायक हुन्छ ।
• यदि जन्मकुण्डलीको कुनै भावमा मङ्गल, बृहस्पति या शुक्रको साथ छन् भने लहसुनिया धारण गर्नुपर्दछ ।
• यदि जन्मकुण्डलीमा केतु सूर्यको साथ अथवा सूर्य द्रष्ट छ भने लहसुनिया धारण गर्नु उत्तम र शुभ मानिएको छ ।
• यदि कुण्डलीमा केतु धनेश, भाग्येश या चतुर्थेशका साथ स्थित छ या त्यसबाट द्रष्ट छ भने लहसुनिया धारण गर्नु अति श्रेयस्कर हुन्छ ।
• यदि केतुको महादशा अथवा अन्तर्दशा चलिरहेको छ भने लहसुनिया धारण गर्नु अत्यन्त लाभदायक हुन्छ ।
• केतुसँग सम्बन्धित वस्तु या स्थिसतमा उन्नतिको लागि लहसुनिया धारण गर्नु शुभ मानिको छ ।
• यदि जन्मकुण्डलीमा केतु शुभ या सौम्य ग्रहका साथ स्थित छ भने लहसुनिया धारण गर्नाले लाभ हुन्छ ।
• यदि कुनै व्यक्तिलाई भूत, प्रेत बाधा अथवा त्यसको भय छ भने यसले लहसुनिया धारण गर्नुपर्दछ ।
• केतुसँग सम्बन्धित जन्मदोष निवृत्तिको लागि लहसुनियालाई धारण गर्नाले अति श्रेयस्कर हुन्छ ।

तान्त्रिक मन्त्र:

ॐ कें केवते नमः

लहसुनियाको प्रयोग

शनिबारको दिन चाँदीको औँठीमा लहसुनिया बनाएर विधिपूर्वक प्राणप्रतिष्ठा गरि श्रद्धापूर्वक यसलाई सन्ध्या समयमा बीचको औँलामा धारण गर्नु पर्दछ । यसको वजन ६ रत्ती भन्दा कम हुनु हुँदैन । यसलाई धारण गर्नुुभन्दा पहिले वैदिक मन्त्रद्वारा प्राण प्रतिष्ठा गरेर पञ्चधातु या चाँदिमा धारण गर्नाले राम्रो मानिन्छ ।

लहसुनियाबाट रोगोपचार

लहसुनियाबाट निम्नलिखित रोगको उपचार सम्भव हुन्छ :

• घ्यूमा लहसुनियाको भस्म मिलाएर खानाले नामर्दी हट्नुका साथै वीर्य गाढा बन्दछ ।
• यदि गर्मी या सुन्निने रोग छ भने लहसुनियाको भसम दूधमा मिलाएर बिहान बेलुका खानाले त्यस्तो कष्टबाट छुट्कारा पाउन सकिन्छ ।
• लहसुनियालाई धारण गर्नाले अजीर्ण, मधुमेह र आमवात आदि रोगबाट छुटकारा पाउन सकिन्छ ।
• पित्तल र लहसुनियाको भस्मलाई मिलाएर खानाले आँखा सम्बन्धी सबै प्रकारको रोग हट्दछ ।
• यदि रगतमासी भइरहेको छ भने लहसुनियाको भस्म महमा मिलाएर खानाले तुरून्त लाभ गर्दछ ।